انڈین میڈیا کی رپورٹ کے مطابق لاپرواہی کا دلچسپ واقعہ بھارتی ریاست آندھرا پردیش کے شہر وجایاوادا میں پیش آیا جہاں کرشنالنکا نامی ٹرک ڈرائیور نے اپنی بوریت دور کرنے کےلیے اپنے دوستوں اور پڑوسیوں کے ساتھ تاش کھیلا تھا۔
مردوں نے تاش کھیل کر اپنی بوریت دور کی جبکہ خواتین نے مبولا کھیل کر بوریت دور کرنے کی کوشش کی، جس کے نتیجے میں علاقے کے 24 افراد کرونا وائرس میں شکار ہوگئے۔
ڈسٹرکٹ کلیکٹر امتیاز کے مطابق شہر میں لاپرواہی کے ان دو واقعات کے کے باعث اب تک 40 افراد موذی وبا کا شکار ہوچکے ہیں، شہریوں سے درخواست کی گئی ہے کہ سماجی دوری اختیار کی جائے لیکن لوگوں حکومتی احکامات کی خلاف ورزی کرتے رہے جس کا نتیجہ 40 کے قریب افراد کے بیمار ہونے کی صورت میں نکلا۔
ریاست آندھرا پردیش بھارت کی سب سے زیادہ متاثرہ ریاستوں میں سے ایک ہے جہاں کرونا سے سیکڑوں کیسز سامنے آچکے ہیں۔
واضح رہے کہ بھارت میں اب تک کرونا وائرس میں مبتلا افراد کی تعداد 26 ہزار 917 سے تجاوز کرچکی ہے جبکہ 826 افراد لقمہ اجل بن چکے ہیں۔
Comments
Post a Comment